Серафим Саровский. Избранные духовные наставления, утешения и пророчества
- Автор: В. Измайлов
- Жанр: Религия / Христианство / Православие / Религия и духовность: прочее
- Дата выхода: 2022
Читать книгу "Серафим Саровский. Избранные духовные наставления, утешения и пророчества"
Икос 9
Ветии многовещаннии не возмогут изрещи крепость любве твоея, блаженне: предал бо еси себе на служение всем приходящим к тебе, повеление Богоматере исполняя, и был еси недоумевающим советник благий, унывающим утешитель, заблуждающихся кроткое вразумление, болящих врач и целитель. Сего ради вопием ти: Радуйся, от мира в пустыню вселивыйся, да добродетели приобрящеши; радуйся, из пустыни во обитель возвративыйся, во еже добродетели семена сеяти. Радуйся, Духа Святаго благодатию осиянный; радуйся, кротосте и смирения исполненный. Радуйся, притекавшим к тебе отец чадолюбивый; радуйся, в словесех любве ободрение и утешение им подававый. Радуйся, приходящия к тебе радостию и сокровищем именовавый; радуйся, за любовь твою святую радостей Небеснаго Царствия сподобивыйся. Радуйся, преподобне Серафиме, Саровский чудотворче.